तब्बल 23 वर्षांनी भेट :-
- - - - - - - - - -- - - 
नागेश दिघे...माझा एसपी कॉलेजचा मित्र...तो नेमका कोणत्या वर्गात होता हे माहिती नाही..म्हणजे मलाच माझा नेमका वर्ग माहित नाही हे अधिक खरं..आम्ही कट्ट्यावर नेहमीच बरोबर असायचो..कोथरूडला राहणा--या नागेशने काही वैयक्तिक कारणांमुळे पुणं सोडलं...आमच्या संपर्काच्या कक्षेतूनही तो बाहेर गेला. तो जेजुरीला स्थायिक झाल्याचं मध्यंतरी समजलं..अखेर गेल्या आठवड्यात त्याला जेजुरीत गाठलं. तब्बल 23 वर्षांनी भेटलो आम्ही..मधल्या काळात ब-याच निरनिराळ्या घडामोडी आमच्या दोघांच्याही आयुष्यात घडल्यात. त्यातल्या चांगल्या बाबींची देवाणघेवाण करून आणि यापुढे कायम संपर्कात राहण्याचं वचन घेऊन मी नागेशचा अर्थात जेजुरीकरांच्या दिघेसरांचा निरोप घेतला . . .. .